د افغانستان په هکله د انډونیزیا په غونډه کې د بین الافغاني خبرو اترو په پیلېدو تاکید شوی
په انډونیزیا کې د افغانستان په اړه کنفرانس کې چې قطر سره په ګډه مشرۍ تر سره شوې د بین الافغاني خبرو اترو د پیلېدو ، سوله او د ښځو د تعلیم په ضرورت ټینګار شوی دی.
د معمار وحدت د خبری آژانس د خبر له مخې :د دې کنفرانس په ګډه اعلامیه کې له طالبانو غوښتنه شوې چې د افغان ښځو او نجونو د ژوند د ښهوالي، تعلیم او بین الافغاني خبرو اترو په برخه کې اړین ګامونه اوچت کړي.
په دغه غونډه کې د امریکا، نیوزیلنډ، ناروې، امارات او پاکستان په ګډون د شااوخوا ۲۰ هېوادونو او يو شمېر نړیوالو سازمانونو استازو ګډون کړی و
د طالبانو د حکومت ویاند ذبیحالله مجاهد د انډونیزیا د غونډې په غبرګون کې ویلي: د هغوی غوښتنې د افغانستان له اوسني حالت سره د تطبیق وړ نه دي، د بین الافغاني خبرو په هکله هم مونږ دلته ډیالوګ لرو، خو په هغه بڼه نه چې دوی یې غواړي، بلکې په هغې بڼه چې موږ او افغانان یې د ضرورت احساس کوو.