قطر: د فوټبال د نړیوال جام له پیل سره به امریکا ته د افغانانو د لېږد بهیر ودرېږي
په ورته وخت کې چې په قطر کې د ۲۰۲۲ کال د فوټبال نړیوال جام ته نږدې کېږي، دغه هېواد او له هغه ځایه امریکا ته د افغانانو د لېږدولو الوتنې بندې دي
د معمار وحدت د خبری آژانس د خبر له مخې؛ NBC دغه خبر د چهارشنبې په ورځ (د اکتوبر ۲۶مه) د مهاجرینو د ملاتړو سرچینو، د امریکا د کانګرس د مرستیالانو او د قطر د حکومت له پلانونو سره د آشنا یوې سرچینې په حواله ورکړی دی.
د قطر چارواکو ویلي، دوی پلان لري چې امریکا ته د افغان کډوالو د ایستلو الوتنې په داسې حال کې ودروي چې دغه هېواد راتلونکې میاشت د فوټبال نړیوال جام کوربه توب کوي.
سرچينې زياته کړې، چې د نومبر په ٢٠مه د نړيوال جام د پيل او لومړۍ لوبې له پيلېدو سره، د قطر حکومت پرېکړه کړې، چې په موقت ډول کابل ته الوتنې بندې کړي او د ويزو ورکول تر بل خبرتيا پورې وځنډوي.
دا په داسي حال کي ده چي په قطر کې د کډوالو په کمپونو کې څو زره افغانان امریکا ته د تللو انتظار باسي او زرګونه نور افغانان په دغه هېواد کې په نامعلومه ډول ژوند کوي.
تېره ورځ فاکس نیوز د امریکايي چارواکو په حواله راپور ورکړی و، چې د امریکا د بهرنیو چارو وزارت د کمزوري فعالیت له امله په سلګونه زره افغان اتباع چې ټاکل شوې وه له دغه هېواده واستول شي، تر اوسه کوم ځواب نه دی ترلاسه شوی.