د کابل – مسکو شرکت د افغانستان د سرب او جست په کانونو کې پانګونې ته لېوالتیا لري

د معمار پرس د خبر له مخې: طالبانو په دې وروستیو کې د کانونو او پټرولیم وزارت اعلان وکړ چی د کابل-مسکو شرکت د سرب او جست په کانونو کې پانګونې ته لېوالتیا ښودلې ده. د طالبانو د کانونو او پټرولیم وزارت نن پنجشنبه د میزان ۱۲ مه په خپره شوې خبرپاڼه کې راغلي چې د دغه وزارت د رسمي دفتر عمومي رئیس معراج محمد معراج په کابل کې د کابل – مسکو شرکت له مشر غلام یحیی چاووش او د هغې له روسي شریکانو سره وکتل. دغه طالب چارواکي زیاته کړه چې حکومت به د کانونو د قانون او طرزالعمل له مخې له کورنیو او بهرنیو پانګوالو سره همکاري وکړي.