په روسیه کې د انرجۍ په نړیوال نندارتون کې د طالبانو د کانونو د وزیر ګډون

د معمار پرس د راپور له مخې، د طالبانو د کانونو او پټرولیم وزارت ویاند همایون افغان وايي چی د دغه وزارت سرپرست هدایت الله بدري او ورسره مل پلاوي د روسیې د انرجۍ د نړیوال فورم په اووم نندارتون کې ګډون وکړ. د یادونې وړ ده چې د طالبانو د کانونو او پټرولیم وزیر تېره چهارشنبه په دغه کنفرانس کې د ګډون لپاره روسیې ته لاړ. د روسيې د انرجۍ اووم نړيوال فورم د میزان له پنځمې نېټې څخه تر اوومې نېټې پورې په مسکو کې جوړېږي.