صهیونیسټ رژیم د سید حسن نصرالله د وژلو ادعا وکړه

د معمار پرس د خبر له مخې؛ صهیونیسټي پوځ په یوه رسمي بیانیه کښې ادعا وکړه چې د لبنان د حزب الله مشر سید حسن نصرالله د بیروت په ضاحیه کښې د تیرې ورځې په حملې کښې شهید شوی دی. د اسرائیلو د پوځ د ادعا له مخې، د سید حسن نصرالله ترڅنګ، د حزب الله د جنوبی برخې قوماندان علی کرکی او د حزب الله یو شمېر نور قوماندانان هم شهیدان شوی دی. دا ادعا په داسې حال کې کیږي چې حزب الله تر اوسه په دې اړه څه نه دي ویلي او نه هم د صهیونیسټانو د ادعا تایید یا رد کول ممکن دي. د اسرائيلو رژيم ادعا کړې ده چې په لبنان کې د اسلامي مقاومت لوړپوړو چارواکو د يادې شوې قوماندانۍ په مرکزي دفتر کښې په يوه غونډه کښې ګډون درلود چې دغه ترهګره حمله وشوه.