د طالبانو د اقتصاد وزارت د تیر کال په پرتله د افغانستان په ناخالصه تولیداتو کې ۲.۷ فیصده زیاتوالي خبر ورکوي.
د معمار پرس د راپور له مخې، د طالبانو د حکومت د اقتصاد وزارت وايي چې په تېر یوه کال کې د افغانستان ناخالص تولید ۲،۷ سلنه زیات شوی دی. د دغه وزارت ویاند عبدالرحمن حبیب وايي، د صادراتو د ډېرېدو لامل له خصوصي سکتور سره د طالبانو د حکومت ملاتړ و. تر دې مخکې د طالبانو د صنعت او سوداګرۍ وزارت اعلان کړی و، چې هڅه کوي له افغانستانه بهر د صادراتو کچه لوړه کړي.