د ترکیې پولیسو شاوخوا ۶۰۰ افغان کډوال نیولي دي

د معمار پرس د خبر له مخې: یو شمیر دغو مهاجرینو رسنیو ته ویلي دي چې په دې وروستیو ورځو کې د افغان مهاجرینو په منځ کې اوازې خپرې شوي چې د استانبول د مهاجرت اداره ټولو مهاجرینو ته د اوسیدو اسناد ورکوي. د دوی په وینا، د دغو اوازو له خپرېدو وروسته شاوخوا ۶۰۰ افغان کډوال د استانبول د کډوالۍ ادارې ته ورغلي او ټول د پولیسو له خوا نیول شوي او د اخراج مرکزونو ته وړل شوي دي. د يادونې وړ ده، چې ډېرى افغان کډوال په ناقانونه توګه ترکيې ته داخلېږي او ځينې يې هڅه کوي، چې د قاچاق له لارې اروپايي هېوادونو ته ځان ورسوي.