په ازبکستان کې د طالبانو نوي سفیر خپله دنده پیل کړه

د معمار پرس د خبر له مخې؛ د طالبانو د بهرنیو چارو وزارت اعلان کړی چې عبدالغفار بحر په ازبکستان کې د دې ډلې د سفیر په توګه خپل کار پیل کړی دی. د ملي راډیو او ټلویزیون د معلوماتو له مخې، عبدالغفار بحر د یکشنبې په ورځ د میزان په لومړۍ نیټه تاشکند ته رسیدلی او ډیر ژر به په دغه هیواد کې د افغانستان په سفارت کې خپله رسمي دنده پیل کړي. دا په داسې حال کې ده، چې ازبکستان د طالبانو د حکومت په رسمیت پېژندنه ځنډولې، خو په تېرو کلونو کې یې له دې ډلې سره خپلې اقتصادي او ډیپلوماټیکې اړیکې پراخې کړې دي. په ازبکستان کې د طالبانو د سفیر ټاکل کېدل د دواړو هېوادونو ترمنځ د اړیکو د عادي کېدو لپاره یو مهم ګام بلل کېدای شي.