احمد مسعود: شهیدان د قبرونو ډبرې یا د خاورې نه دي چې ویجاړې شي

د معمار پرس د خبر له مخې؛ د ملي مقاومت جبهې مشر احمد مسعود د طالبانو له خوا د کابل په لویدیځ کې د عبدالعلي مزاري د څلورلارې د ویجاړولو په غبرګون کې وویل: “شهیدان د قبرونو ډبرې یا د خاورې نه دي چې ویجاړې شی.” تېره شپه وسله والو طالبانو د کابل ښاروالۍ د شپږمې امنیتي حوزې اړوند د پل سوخته په سیمه کې د عبدالعلي مزاري په نوم څلورلارې ویجاړې کړې. طالبانو تر دې مخکې هم په همدې څلورلارې کې د شهید مزاري مجسمه ویجاړه کړې وه. وسله والو طالبانو په رسمي توګه په دې اړه څه نه دي ویلي، خو دغه اقدام د ټولنیزو رسنیو د کاروونکو او مدني فعالانو له پراخ غبرګون سره مخ شوی دی.