په عمان کې د افغانستان سفارت طالبانو ته وسپارل شو

د معمار پرس د خبر له مخې، د طالبانو د بهرنیو چارو وزارت د یوې خبرپاڼې په خپرولو سره ویلي چې د عمان په پلازمېنه مسقط کې د افغانستان د سفارت فعالیت د دغې ډلې د ډیپلوماټانو له خوا بېرته پیل شوی دی. د سرچينې د معلوماتو له مخې، د دې سفارت فعاليت د روانې اوونۍ د يکشنبې په ورځ پيل شوى او په عمان کې مېشتو افغانانو ته د خدمت بهير د معمول په څېر دوام لري.