په افغانستان کې د شیعه ګانو قتل عام او د طالبانو مسؤلیت
د داعش ترهګرې ډلې لخوا د دايکنډي په ځينو اوسېدونکو د ډزو له امله د دغه ولايت او غور په سرحدي سيموکې ١٤ تنه ووژل شول. د وروستيو معلوماتو له مخې، د دايکنډي او غور په سرحدي سيمو کې د ملکي وګړو په ډزو کې ١٤ تنه شهيدان شوي دي. دوی د کربلا د زیارت کوونکو د هرکلي لپاره د دایکندي او غور سرحدي سیمو ته تللي وو. دغه ډله له کربلا څخه د راستنېدونکو زیارت کوونکو هرکلي ته تللې وه چې د وسله والو له خوا په نښه شوه. له پېښې وروسته داعش ترهګرې ډلې د دغه سړک د وژنې پړه پر غاړه واخیسته. طالبانو په دايکنډي کې د شيعه ګانو د وژنې په غبرګون کې خواشيني څرګنده کړې او ويلي يې دي چې د دې پېښې له عاملينو سره به قانوني چلند وشي. خو يو شمېر جهادي شخصيتونه د دې پېښې پړه پر وسله والو طالبانو اچوي او وايي، چې افغان حکومت د هېوادوالو د امنيت د ټينګښت مسووليت لري او په دې برخه کې هر ډول ناکامي به يې پړه پر طالبانو اچوي. د ملګرو ملتونو د عمومي منشي ویاند سټیفن دوجاریک په یوه خبري غونډه کې وویل، انتونیو ګوتریش یو ځل بیا په افغانستان کې د ملکي وګړو د خوندیتوب غوښتنه کړې ده. شیعه ټولنه د افغان ملت نه بېلېدونکې برخه ده او تل په افغانستان کې یووالي او پیوستون ته لېواله دي. په هیواد کې د شیعه ګانو د ښه نیت او سرښندنو سره سره تل بې عزته شوي او حتی وژل شوي دي. داعش د یوې تکفیري ترهګرې ډلې په توګه د دې پر ځای چې د خالص اسلام له قسم خوړلو دښمنانو سره مبارزه وکړي، اسلامي فرقو دښمنان بولي او د هغوی وینه په ځمکه تویوي. لکه څنګه چې د داعش له کړنو او عقایدو څخه څرګنده ده، دا ډله نه اسلامي عقیده لري او نه د اسلام په لاره کې حرکت کوي، بلکې په اسلامي ټولنو کې د خپلو شومو اهدافو د پلي کولو لپاره د اسلام د دښمنانو په لاس جوړ شوی دی. نن سبا د داعش بڼه هر مسلمان ته څرګنده ده او په دې کې شک نشته چې د دوی فکر او عقیده دروغ ده خو زموږ د خبرو مخاطب افغان حکومت دی، چې د هر مذهب او توکم د اتباعو د امنیت د تامین مسوولیت لري. طالبان تل وايي چې داعش له منځه تللی دی او د هېواد امنیت خوندي شوی دی خو موږ همدا اوس په هېواد کې د افغانانو په ځانګړې توګه د شیعه ګانو د وژنې شاهدان یو. داسې برېښي چې د افغانستان حکومت داعش ته کم ارزښت ورکوي او داعش ترهګره ډله د طالبانو له دغې تېروتنې ګټه اخلي او د هېواد د خلکو پر وړاندې خپلو ترهګریزو کړنو ته دوام ورکوي.