د ایران ولسمشر په درې ورځني سفر عراق ته ولاړ

د معمار پرس د خبر له مخې؛ د ایران ولسمشر مسعود پزشکیان د خپل ولسمشرۍ په لومړي بهرني سفر کې د عراق د حکومت په رسمي بلنه او د یوه لوړ پوړي سیاسي او اقتصادي پلاوي په مشرۍ په درې ورځني سفر بغداد ته ورسېد. دا سفر د عراق د لومړي وزیر محمد شیاع السوداني په رسمي بلنه ترسره کیږي. پزشکیان به له لومړي وزیر، ولسمشر، د پارلمان او عدلیې له رییسانو او د ګډو همکاریو د سندونو د لاسلیکولو سربیره، په عراق کې له میشتو سوداګرو او ایرانیانو سره هم لیدنې ولري. د عراق اوسنی حکومت چې د لومړي وزیر محمد شیاع السوداني په مشرۍ دی، په ۲۰۰۳ کال کې د بعث ګوند له نسکورېدو راهیسې ایران ته یو له نږدې حکومتونو څخه دی.