طالبان د اوبو او برېښنا وزارت: په زابل کې به د اوبو د یوه لوی بند د جوړولو کار ژر پیل شي

د معمار پرس د خبر له مخې؛ د دغه وزارت سرپرست عبداللطیف منصور نن (یکشنبه، د سنبلې ۱۸مه) په کابل کې د برېښنا د تولید د یوه سټېشن د پرانېستې په مراسمو کې وویل: د هېواد د اوبو مدیریت د حکومت له لومړیتوبونو څخه دی. عبداللطيف منصور د هرات ولايت د پاشدان بند په اړه هم وويل چې د دغه بند د جوړولو کار بشپړ شوى دى. دا مهال د هېواد په یو شمېر ولایتونو کې د اوبو څو لوی او واړه بندونه تر کار لاندې دي.