ایران ته د افغان ډاکټرانو د یوې ډلې لیږل د ځانګړې پاملرنې د کچې د لوړولو لپاره

د افغانستان د روغتیا او درملنې د سیستم د پیاوړتیا په موخه، له هېواد څخه د ۴۰ ډاکټرانو، متخصصینو او نرسانو یوه ډله ایران ته واستول شوه چې د عاجل پاملرنې په څانګه کې یو میاشتنی روزنیز کورس بشپړ کړي. د افغانستان د عامې روغتیا وزارت د دې خبر په خپرولو سره ویلي چې د دغه اقدام هدف په هېواد کې د روغتیايي خدمتونو د کیفیت لوړول او د یوه پیاوړي روغتیايي سیستم رامنځته کول دي. د ډاکټرانو او نرسانو دغه ډله د ایران له تجربو او ښوونیزو اسانتیاوو څخه په ګټې اخیستنې سره د ځانګړې پاملرنې په ډګر کې خپلې پوهې او مهارتونو ته وده ورکوي. دغه اقدام د روغتيا او درملنې په برخو کې د دواړو هېوادونو ترمنځ د همکارۍ دوام دی. تر دې وړاندې هم د افغانستان روغتیايي چارواکو ایران ته په سفر کې د تجربو پر تبادلې او د ایران له تعلیمي ظرفیتونو څخه په استفادې ټینګار کړی و.