د ملي مقاومت جبهې پلاوی له احمد مسعود پرته سفر امریکا ته

د ملي مقاومت جبهې اعلان وکړ چې د دغې جبهې یو پلاوی به د امریکا د استازو جرګې د بهرنیو اړیکو د کمیټې له مشر مایکل مک کیل سره د خبرو لپاره د احمد مسعود له شتون پرته واشنګټن ته ولاړ شي. د ملي مقاومت جبهې د یوې اعلامیې په خپرولو سره ویلي دي: له افغانستان ولس سره د امریکا د کانګرس له بلنې او دوامداره تعامل څخه مننه کوي او د هر هغه خبرو ملاتړ کوي چې د هیواد له اوسني بحران څخه د وتلو سره مرسته وکړي. په اعلامیه کې راغلي چې د افغانستان د ملي مقاومت جبهې مشر احمد مسعود به د دې جبهې په استازیتوب واشنګټن ته یو پلاوی واستوي خو پخپله به له مک کال سره مجازي خبرې وکړي. له دې مخکې مایکل مک کال د افغانستان د ملي مقاومت جبهې په ملاتړ په خپله ایکس پاڼه کې د دغې جبهې ماموریت د ویاړ وړ بللی و.