د افغانستان او چین ترمنځ د سوداګریزو او اقتصادي همکاریو زیاتېدل

په چین کې د طالبانو سفیر بلال کریمي او د چین د CCPIT د نړیوالو اړیکو مرستیال شان مینګ د سوداګرۍ او اقتصادي همکاریو پر پراختیا خبرې وکړې. د چين حکومت غواړي له افغانستان سره د سالم ژوند، سمارټ ماشينونو او پاکې انرجۍ په برخو کې همکارۍ پراخې کړي. افغانستان چمتو دی چې له چین سره د اقتصادي او سوداګریزې پراختیا په برخه کې همکاري وکړي او په افغانستان کې د طالبانو له واکمنۍ راهیسې د دواړو هېوادونو ترمنځ اقتصادي اړیکې پراخې شوې دي. چین په اقتصادي ډګر کې د یو لوی او فعال هیواد په توګه په افغانستان کې د پانګونې د فرصتونو په لټه کې دی او په ځانګړې توګه د دغه هیواد طبیعي زیرمو او زیربناوو ته پاملرنه کوي.