د طالبانو د کورنیو چارو وزیر: نړیواله ټولنه باید له طالبانو سره د خبرو لاره غوره کړي

د معمار پرس د خبر له مخې؛ سراج الدین حقاني چې د چهارشنبې په ورځ یې د اسد په ۲۴مه د بګرام په اډه کې د طالبانو له خوا د افغانستان د سقوط د دریمې کلیزې په مراسمو کې وینا کوله، دا ادعا وکړه چی اوس مهال، د دې ډلې سره د اړیکو ساحه د پخوا په پرتله خورا ښه ده. د طالبانو د کورنیو چارو وزیر د تېر حکومت د سقوط او پر افغانستان د بهرني اشغال د پای کلیزه د دغې ډلې او د افغانستان د خلکو لپاره یوه تاریخي ورځ وبلله. طالبانو تر دې وړاندې هم له نړیوالې ټولنې د خبرو اترو غوښتنه کړې وه.