د جاپان لومړي وزیر استعفا وکړه

د معمار پرس د خبر له مخې؛ د جاپان لومړي وزیر فومیو کیشیدا نن (د اسد ۲۴مه) په یوه ټلویزیوني وینا کې د سنبلې په میاشت کې له خپلې دندې څخه د استعفا اعلان وکړ. ښاغلي کیشیدا په خپلو خبرو کې وویل: “زه به د لومړي وزیر په توګه د سپتمبر تر میاشتې پورې هر هغه څه ته دوام ورکړم چې زه یې کولای شم.” هغه د لومړي وزیر په توګه خپله درې کلنه دوره له سیاسي جنجالونو ډکه پای ته ورسوله او د راتلونکي لومړي وزیر لپاره یې لاره هواره کړه چې د بیو لوړیدو ته رسیدګي وکړي. د واکمن لیبرال ډیموکراتیک ګوند متحد کول، د ژوند لګښت کمول او له چین سره د کړکیچ کمول به د راتلونکي لومړي وزیر له مهمو کارونو څخه وي.