د طالبانو د بهرنیو چارو وزیر: امریکایان باید په پوځي یونیفورم کې افغانستان ته نه راځي
د طالبانو د بهرنیو چارو وزیر وايي، دا ډله له دې سره کومه ستونزه نه لري، چې د یوه امریکايي وګړي په ډیپلوماتیک یونیفورم کې افغانستان ته راشي، خو دوی نه شي کولای چې په "پوځي یونیفورم" کې یې په کابل کې ومني.
د معمار پرس د خبر له مخې: د طالبانو د حکومت د بهرنیو چارو وزیر امیرخان متقی وایي، کابل له امریکا او لویدیځ سره سیاسي او اقتصادي اړیکې غواړي او وایی چی د دې ډلې چارواکو په دوحه کې د خبرو اترو پر مهال امریکایانو ته هم ویلي وو او اوس هم وايي چې موږ په پوځي یونیفورم کې یو امریکایی نه شو منلی، خو که تاسو د دیپلومات په یونیفورم کې راشئ، کومه ستونزه نشته. ښاغلي متقي دغه څرګندونې په کابل کې د بي بي سي له خبریال سره په مرکه کې وکړې چی د طالبانو د حکومت په رسمیت پیژندنه د ښځو له حقونو سره هیڅ تړاو نه لري او د ملګرو ملتونو او د هېڅ هېواد په قوانينو کې دا نه دي راغلي، چې که په يوه هېواد کې د ښځو د کار قوانين توپير ولري، په رسميت ونه پېژل شي.