تعلیمي همکاري د طالبانو د پوهنې وزارت او مالیزیا چارواکو تر منځ پر خبرو متمرکزه ده

د معمار پرس د خبر له مخې: د مالیزیا په کوالالامپور کې د طالبانو سفارت خبر ورکړی چی د دې سفارت سفیر نقیب الله احمدي او د طالبانو د لوړو زده کړو وزارت رسمي پلاوي د مالیزیا د لوړو زده کړو وزارت د نړیوالو اړیکو له مشرې نور عزه بنت عمر سره او د لوړو زده کړو سرپرست وزیر داتا اعظم او د دغه هېواد نورو چارواکو لیدنه وکړه. په راپور کې راغلي چې دغه پلاوي د مالیزیا له معتبرو پوهنتونونو څخه هم لیدنه وکړه ترڅو د ماسټرۍ او دوکتورا په برخه کې د خپلو کارکوونکو د روزنې په موخه د تفاهم یادداشتونه لاسلیک کړي. مالیزیا یو له هغو اسلامي هېوادونو څخه دی چې د طالبانو له واکمنۍ وروسته یې له کابل سره په بېلابېلو برخو کې همکاري کړې ده.