ایراني چارواکي: په کاشان ښار کې مجاز او غیر مجاز اتباعو ته د دوکانونو کرایه کول منع دي

د معمار پرس د خبر له مخې؛ مهدي باقري مجرد؛ دا خبره د ایران د کاشان ښار د اصنافو خونې مشر اعلان کړه چی د خوراکي توکو د تولید او توزیع په ټولو واحدونو کې د مجاز او غیر مجاز بهرنیانو کار کول منع دي. هغه دا هم وویل چې په کاشان کې “مجاز او غیر مجاز” مهاجرینو ته د دوکانونو کرایه کول منع دي. د ایران راډیو او ټلویزیون خبری اژانس راپور ورکړی چې مهدی باقری مجرد دا خبره کړې ده چی د کاشان د املاکو مشاور سوداګریز واحدونه باید د غیر مجاز او ناپیژندل شوي اتباعو لپاره د کور کرایه کولو هر ډول قرارداد پای ته رسولو څخه ډډه وکړي. هغه خبرداری ورکړ چې په کاشان کې د خوراکي توکو د تولید او ویش په ټولو سوداګریزو اتحادیو کې د مهاجرینو کار به محاکمه شي.