د معمار پرس د خبر له مخې؛ د کډوالو او راستنیدونکو چارو وزارت مطبوعاتي دفتر په یوه خبرپاڼه کې ویلي، چې د کډوالو په چارو کې د ملګرو ملتونو د عالي کمېشنرۍ نوي مشر عرفات جمال د ننګرهار د والي له مرستیال مولوي سعید احمد بنوري سره وکتل. د دغه وزارت په خبرپاڼه کې راغلي چې په دې کتنه کې ښاغلي جمال د امنیت تامین، د فساد او نشه يي توکو مخنیوی د اسلامي امارت مهمې لاسته راوړنې وبللې او د افغان مهاجرینو د وضعیت په سمولو یې ټینګار وکړ. په همدې حال کې له ایران او پاکستان څخه د افغان کډوالو د راستنولو او اخراج لړۍ روانه ده.