د معمار پرس د خبر له مخې؛ داعش ترهګرې ډلې د دغه برید یوه ویډیو په خپل ټیلیګرام چینل خپره کړې او لیکلي یې دي چې د دغه برید عاملین د عمان له امنیتي اجنټانو سره څو ساعته نښتې دي. د رویټرز خبري اژانس د دریو امنیتي سرچینو په حواله ویلي، د داعش ډلې یوه ځانمرګي بریدګر الانسه د عمان په پلازمېنه عمان کې د شیعه مسلمانانو پر کلنۍ مذهبي مراسمو برید کړی دی. په مسقط منطقه کې د شیعه ګانو په ګاونډ وادي الکبیر کې د امام علي پر جومات برید کې ۶ تنه وژل شوي او لږ تر لږه ۳۰ نور ټپیان شوي دي. که څه هم داعش په ځلونو په عراق، افغانستان او پاکستان کې د شیعه ګانو پر مذهبي مراسمو بریدونه کړي، خو دا لومړی ځل دی چې د فارس خلیج په هېوادونو کې عملیات ترسره کوي.