د طالبانو د سرپرست حکومت د مالیې وزارت وايي، د روان کال په لومړۍ ربعه کې د هېواد ګمرکونو کې ۲۳ سلنه پرمختګ شوی دی.
د معمار پرس د خبر له مخې: د طالبانو د مالیې وزارت وایي، چې د هېواد د ګمرکونو د فعالیتونو د تخنیکي ارزونې غونډه د ۱۴۰۳ مالي کال په لومړۍ ربعه کې د دغه وزارت د ګمرکونو د عمومي رئیس عبدالمتین سعید په مشرۍ جوړه شوه. سرچينه زياتوي، چې د روان کال په دې ربع کې د ګمرکونو فعاليتونه د تېر کال د همدې مودې په پرتله ۲۳،۳ سلنه مثبت زيات شوي دي.