د سیاسي او سولې په چارو کې د ملګرو ملتونو د سرمنشي مرستیال ویلي، چې د طالبانو د حکومت پر چارواکو بندیزونه لګول شوي دي.
د معمار پرس د خبر له مخې؛ د سیاسي او سولې په چارو کې د ملګرو ملتونو د عمومي منشي مرستیالې روزماري ډیکارلو د دوحې د دریمې غونډې په پای کې خبریالانو ته وویل: د هیوادونو له خوا بندیزونه د طالبانو د حکومت پر چارواکو لګول شوي دي، نه پر افغانستان. ډي کارلو په دې خبري غونډه کې وويل چې د طالبانو په رسميت پيژندل د ملګرو ملتونو مسووليت نه دى، بلکې د دې سازمان د غړو هېوادونو له خوا شوې پرېکړه ده. هغه همدا راز ټینګار کړی، چې د دوحې ناسته او له “طالبانو” سره خبرې اترې د اړیکو د عادي کېدو یا د هغوی د رسمیت پېژندلو په معنا نه دي.