د معمار پرس د خبر له مخې؛ د ترکیې خبري سرچینو اعلان وکړ چې د ترکیې ساحلي ځواکونو د یکشنبې په ورځ (د عقرب ۲۸مه) د چاناکقلعه ښار په ایواجیک سیمه کې په یوې کښتۍ کې ۴۳ تنه افغان کډوال ونیول. دغه پناه غوښتونکي په ايواجيک سيمه کې د بهرنيو اتباعو د بېرته راستنېدو په موخه مرکز ته سپارل شوي وو، څو بېرته افغانستان ته ولېږدول شي. په تېره یوه اوونۍ کې تر ۱۲۰ ډېر افغان کډوال د ترکیې له بېلابېلو سیمو نیول شوي او د بهرنیو اتباعو د اخراج مرکزونو ته لېږدول شوي دي.