د معمار پرس د خبر له مخې؛ په هرات کې د “مومني” خصوصي خپرندويې ټولنې په دغه ولايت کې د کوڅو د کتابونو نندارتون جوړ کړ. دغه نندارتون د دوشنبې په ورځ (د عقرب ۲۲مه) پیل شو او اووه ورځې به دوام وکړي. د مومني خپرندويه ټولنې مسوولين په دې باور دي، چې له دغه نندارتون څخه يې موخه په ځوانانو کې د کتاب لوستلو کلتور ته وده ورکول دي. لیدونکو د دغه نندارتون هرکلی وکړ، خو په دغه نندارتون کې یې د بېلابېلو کتابونو د موضوعاتو له نشتوالي شکایت وکړ.