د بیلاروس ولسمشر الکساندر لوکاشینکو ویلي، چې اوکراین به د افغانستان برخلیک وزغمي او امریکا به ژر له دغه هېواده ووځي.
د معمار پرس د خبر له مخې؛ د بیلاروس د اټومي بټۍ له کارکوونکو سره په کتنه کې د بیلاروس ولسمشر وویل: امریکا کییف ته اړتیا نه لري او اوکراین به لکه افغانستان پریږدي. هغه زیاته کړه، “لویدیځ په اوکراین کې دلچسپي له لاسه ورکړې، په ځانګړې توګه په منځني ختیځ کې د وضعیت له خرابیدو وروسته.” لوکاشینکو دا هم وویل چې د اوکراین پوځ د شاتګ په حال کې دی.