د طالبانو د ډلې اقتصادي مرستیال ملا عبدالغني برادر له زلزلې درې ورځې وروسته هرات ولایت ته سفر وکړ.
د معمار پرس د خبر له مخې د ملا برادر د رسنیو دفتر د دوشنبې په ورځ د میزان ۱۷ مه اعلان وکړ چې ملا برادر د خپل سفر په ترڅ کې له زیانمنو شویو سیمو څخه لیدنه وکړه او د زیانمنو شویو کسانو د وضعیت د څیړلو امر یې صادر کړ. د دغه دفتر د معلوماتو له مخې، ملا برادر د بېړنيو مرستو د رسولو ترڅنګ اړوندو بنسټونو ته امر کړى، چې راټولې شوې مرستې په عادلانه ډول پر زيانمنو شويو کسانو ووېشي.