د افغانستان د ملي مقاومت جبهې قوماندان احمد مسعود فرانسې ته د خپل سفر پر مهال، د فرانسې شمال ختیځ سټراسبورګ ښار ته د اروپایی اتحادیې له پارلمان سره د لیدو لپاره او همدارنګه د هغه کتاب د پرانستلو لپاره سفر وکړ چې په دې وروستیو کې یې د "زموږ آزادي" په نوم لیکلی دی.
د معمار پرس د خبر له مخې؛ نوموړي د خپل کتاب د پرانېستې پر مهال، چې په سټراسبورګ کې د سلګونو فرانسوي پوهانو او محصلینو او همدارنګه د افغان کډوالو په شتون کې جوړه شوې وه، د طالبانو پر وړاندې د هر اړخیزې مبارزې پر اړتیا ټینګار وکړ. احمد مسعود د اروپايي پارلمان له غړو سره په کتنه کې ویلي، چې د طالبانو تر واک لاندې افغانستان د ترهګرۍ په مرکز بدل شوی دی. نوموړي په دې کتنه کې وویل، چې طالبانو افغانستان د ترهګرۍ په مرکز او مرزدام زندان بدل کړی دی.