د طالبانو د لومړي وزیر مرستیال عبدالسلام حنفي د یکشنبې په ورځ د سنبلې په ۱۹ مه په افغانستان کې د رسنیو د سانسور او ځپلو په اړه د نړیوالو سازمانونو د نیوکو په ځواب کې وویل چې د طالبانو په رژیم کې رسنۍ ازادې دي.

د طالبانو د لومړي وزیر مرستیال ویلي چې دوی د رسنیو ازادي یوازې د [طالبانو] اسلامي نظام او ملي ګټو په چوکاټ کې مني.

د سرطان په ١٤مه، د خبريالانو نړيوال فډریشن د طالبانو تر واک لاندې افغانستان کې د خبريالانو ځورونه وغندله او د رسنيو د ټولو نيول شويو کارکوونکو د ژر تر ژره خوشې کېدو غوښتنه يې وکړه.