د معمار پرس د خبر له مخې؛ د مهاجرت ادارې ویاند ډانیل باخ په یوه خبرپاڼه کې ویلي، سویس پرېکړه کړې چې هغو افغان کډوالو ته چې د طالبانو له واکمنۍ وروسته یې پاسپورټونه نه دي ترلاسه کړي، ځانګړي پاسپورټونه صادر کړي. د سویس د دولتي ټلویزیون په وینا، دا پریکړه د محکمې د تیرې میاشتې له پریکړې وروسته شوې ده. د دغو ځانګړو پاسپورټونو په صادرولو سره، پناه غوښتونکي کولای شي نږدې ټولو هېوادونو ته سفر وکړي. دا پرېکړه په سویس کې د شاوخوا ۳۰ زره افغان کډوالو او پناه غوښتونکو لپاره ښه خبر دی چې نه شي کولای د اعتبار وړ پاسپورت ترلاسه کړي.