د معمار پرس د خبر له مخې: په دې کتنه کې د هرات د سوداګرۍ او صنایعو خونې مرستیال او د دغه ولایت یو شمېر سوداګرو د هرات په ګمرک کې د وروستۍ اورلګېدنې د لاملونو او د پاتې شویو بندونو په اړه خبرې وکړې او خپلې ستونزې، وړاندیزونه او هیلې یې له ښاغلي اسلام‌جار سره شریکې کړې. دغه راز يې د دغه ولايت له سيمه ييزې ادارې څخه د دې موضوع د هر اړخيز تعقيب غوښتنه وکړه. د هرات والي دغه راز سوداګرو او صنعتکارانو ته وويل، چې د دې موضوع د لا زياتې څېړنې لپاره يې يوې کمېټې خپل کار پيل کړى او ډېر ژر به يې پايله معلومه شي. د يادونې وړ ده، چې دوه ورځې وړاندې د هرات ګمرک کې د تخنيکي ستونزو له امله اور لګېدلى و، چې په ترڅ کې يې د تېلو لسګونه ټانکرونه سوځېدلي وو.