د معمار پرس د خبر له مخې؛ د ملی ټلویزیون د راپور له مخې امیر خان متقی د مسکو په غونډه کښې په غزه کښې د صهیونیسټ رژیم جنایتونو ته په اشارې سره د سیمې او نړۍ له نفوذ لرونکو لوبغاړو څخه وغوښتل چې د فلسطینیانو او لبنانیانو د وحشیانه وژنې د پای ته رسولو لپاره اقدام وکړي. هغه زیاته کړه: دغه وحشیانه وژنې د دغو جنایتونو د دوام د مخنیوي او په سیمه کښې د سولې او ثبات د رامینځته کولو لپاره جدي نړیوال غبرګون ته اړتیا لري. متقي په دوام کښې وویل: د صهیونیسټي رژیم له خوا د غزې د مظلومو خلکو د بې رحمانه وژلو په مخنیوي کښې د نړیوالو حکمونه ناکام شوي دي. هغه زیاته کړه: د اسرائیلو جنایتکار او قاتل رژیم تل هر اړخیز ملاتړ لری نو پکار ده چې د سیمې هیوادونه د دغه رژیم په وړاندې متحد شی.