د معمار پرس د خبر له مخې: د طالبانو د ویاند مرستیال حمدالله فطرت نن د پنجشنبې په ورځ په خپله ایکس ټولنیزه پاڼه کې لیکلي چی په افغانستان کې بشري حقونه خوندي دي او د ځينو هېوادونو له خوا د دغې ډلې پر حکومت د «بشري حقونو د سرغړونې» تور لګول سم نه دي. هغه زیاته کړه چې په هیواد کې له هیچا سره “تبعیضي چلند” نه کیږي. د طالبانو د ویاند مرستیال وویل: “په افغانستان کې د بشر حقونه خوندي دي او له هیچا سره تبعیض نه کیږي.” د يادونې وړ ده، چې په دې وروستيو کې يو شمېر لوېديځو هېوادونو د طالبانو حکومت په افغانستان کې له بشري حقونو په پراخه سرغړونې او “جنسي توپير” تورن کړى دى.