د معمار پرس د خبر له مخې؛ د طالبانو د صنعت او سوداګرۍ وزارت په وینا دغه تفاهم لیکونه د چهارشنبې په ورځ (د میزان ۴مه) د دغه وزارت د سرپرست نورالدین عزیزي له خوا د هغو ۹ بنسټونو له استازو سره چې د متشبثینو د پیاوړتیا، د بې وزلو خلکو د اقتصادي ودې او د کورنیو د ژوند د ښه والي په برخه کې فعالیت کوي، لاسلیک شول. د طالبانو د صنایعو او سوداګرۍ وزارت اعلان وکړ، چې دغه بنسټونه به د ۶،۹۳۸،۲۷۸ ډالرو په ارزښت خپلې پروژې د هېواد په ۱۷ ولایتونو کې پلې کړي. کابل، هرات، بلخ، ننګرهار، بامیان، بدخشان، تخار، کندز، سمنګان، بغلان، کنړ، غزني، لغمان، پکتیکا، خوست، پروان، فاریاب او پکتیا هغه ولایتونه دي چې دغه پروژې به پکې پلې شي.