د معمار پرس د خبر له مخې؛ د کابل ښاروالۍ په یوه کړنه کې د پلازمېنې په لوېدیځ کې د شهید مزاري څلورلارې ویجاړې کړې دی. دا اقدام په داسې حال کې کېږي چې په همدې چوک کې د افغانستان د اسلامي وحدت ګوند د مرحوم مشر عبدالعلي مزاري مجسمه هم ونړول شوه. تر اوسه طالب چارواکو د دې کار لامل نه دی وړاندې کړی او د دوی چوپتیا د دې مسلې په اړه بې باوري زیاته کړې ده. د شهید مزاري څلورلارې په افغانستان کې د مقاومت او یووالي له سمبولونو څخه شمیرل کیده او ویجاړول یې د قومي هویت یو له مهمو سمبولونو څخه ګڼل کیږي.