د معمار پرس د خبر له مخې، د طالبانو د خبرپاڼې په حواله، د کورنیو چارو وزارت سرپرست سراج الدین حقاني ویلي چې د دې ډلې حکومت له نشه يي توکو سره د مبارزې لپاره د اسانتیاوو او تجهیزاتو له کمښت سره مخ دی. ښاغلي حقاني دغه موضوع پرون په کابل کې د «مخدره موادو سره د مبارزې عالي کمیسیون» په لومړۍ غونډه کې مطرح کړه. هغه زیاته کړه، د نشه یي توکو پر وړاندې د مبارزې په برخه کې له کابل سره د نړیوالې ټولنې همکارۍ ته اړتیا ده او کروندګرو ته د بدیل کښت زمینه برابره شي.