د معمار پرس د خبر له مخې؛ د DPA په وینا، د جرمني پوځ د احتمالي بریدونو د راپورونو په ځواب کې د خپلو پوځي اډو شاوخوا امنیتي تدابیر زیات کړي دي. د جرمني د پوځ یوه ویاند ویلي دي چې پوځ یې پر پوځي اډو د احتمالي بریدونو د رپوټونو په اړه توند غبرګون ښودلی دی. اوس مهال د پوځي اډو شاوخوا ځانګړي امنیتي شرایط شتون لري. د جرمني د پوځ د دغه وياند په وينا، د الفا ۴ امنيتي کچه اوسمهال د پوځ اړوند تاسيساتو لپاره د پلي کېدو په حال کې ده، چې په دغه هېواد کې د پوځي مرکزونو لپاره څلورمه امنيتي کچه ده.