د معمار پرس د خبر له مخې؛ د طالبانو د صدراعظم د دفتر اقتصادي مرستیال ملا عبدالغني برادر په خپل دفتر کې په داسې حال کې چې د بهرنیو چارو، مخابراتو او معلوماتي ټکنالوجۍ، اوبو او انرجۍ وزیران او د برېښنا شرکت رئیس هم حضور درلود، د نیمروز ولایت د علماوو شورا له غړو سره وکتل. ملا برادر هم په دې کتنه کې وويل چې په هېواد کې په بېلابېلو برخو کې پروژې پيل شوې او هېوادوالو ته د پخوا په پرتله زياتې اسانتياوې برابرې شوې دي. هغه زیاته کړه: له څلورو لسیزو وروسته په هیواد کې د سمسورتیا فرصت برابر شوی دی، خو ځينې ستونزې له پخوا څخه په ميراث پاتې دي، چې د دې ټولو ستونزو د هواري لپاره وخت او سرچينې ته اړتيا ده.