د معمار پرس د خبر له مخې: دا خبره د کورنیو تولیداتو د صادرونکو اتحادیې مرستیال محمد ناظري وکړه چی دغې اتحادیې د کورنیو تولیداتو د ملاتړ او د نړیوالو معیارونو پر بنسټ بهرنیو هېوادونو ته د افغاني محصولاتو د صادراتو د کچې د لوړولو په موخه په کابل کې خپل فعالیت پیل کړی دی. بل خوا د دې اتحادیې اقتصادي سلاکار عبدالنصیر رښتیا وايي، چې د افغان سوداګرو یوازینۍ ستونزه د صادراتو د کچې ټیټوالی او د وارداتو زیاتوالی دی. د هغه په ​​وينا، که زموږ خلک د بهرنيو توکو پر ځاى کورني توکي وکاروي، د افغانستان صنعت به پياوړى شي او د وارداتو کچه به راټيټه شي.