د معمار پرس د خبر له مخې؛ د طالبانو د ویاند مرستیال حمدالله فطرت په یوه خبرپاڼه کې ویلي چې د دې ډلې د مشر ملا هبت الله د حکم پر بنسټ د هېواد د سرحدي سیمو د ستونزو د حل لپاره یوه کمېټه جوړه شوې ده. د فطرت په وينا، دغه کمېټه د طالبانو د سرحدونو، قومونو او قبايلو چارو وزارت د سرپرست ملا نورالله نوري په مشرۍ جوړه شوې ده. هغه زياته کړه، دغه کمېټه ديني او عصري زده کړو ته د لاسرسي، روغتيا، مخابراتو، د سړک جوړولو او د څښاک د پاکو اوبو رسولو په څېر خدمات وړاندې کوي. پخوا به طالبانو له ګاونډیو هېوادونو سره سرحدي ستونزې د قومي مشرانو له لارې هوارولې.