د معمار پرس د خبر له مخې؛ د پاکستان د حکومت د کابینې په غونډه کې په پور باندې د خام تیلو د خرڅولو په اړه د سعودي عربستان د نه منلو په موضوع خبرې وشوې. په ۱۹۹۸، ۲۰۱۴ او ۲۰۱۹ کلونو کې سعودي عربستان د اقتصادي ستونزو او د بهرنیو اسعارو او مالي منابعو له کمښت څخه د وتلو لپاره پر پاکستان د میلیاردونو ډالرو تیل په پور باندې پلورلي وو. خو پاکستان و نه شو کړای چې خپل مکلفیتونه پوره کړي او د پلورل شویو تېلو پیسې بېرته ورکړي، چې په پایله کې یې سعودي عربستان هم د یوې لویې برخې له اخیستو ډډه وکړه. ظاهراً سعودي عربستان د دغو تړونونو پر وړاندې له پاکستان څخه کومه غوښتنه نه کوي، خو پاکستان په اسلامي نړۍ کې د ځواکمن پوځ د لرلو له امله د سعودي لپاره ډېر مهم دی. په هرصورت، د سعودي عربستان او پاکستان ترمنځ اړیکې خپل ساحه لري. د روان کال په لومړیو کې د دواړو هېوادونو ترمنځ ډیپلوماټیکې تبادلې وشوې. د دغو سفرونو په پایله کې سعودي عربستان ژمنه وکړه چې په لومړي پړاو کې به ۵ میلیارده ډالره پانګونه وکړي. سعودي عربستان پلان لري چې په راتلونکو پنځو کلونو کې په پاکستان کې ۲۵ میلیارده ډالره پانګونه وکړي.