د طالبانو د لومړي وزیر سیاسي مرستیال مولوي عبدالکبیر د شهید اسماعیل هنیه د جنازې په مراسمو کې د ګډون په موخه د قطر پلازمېنې دوحې ته تللی دی.
د معمار پرس د خبر له مخې د طالبانو د حکومت ویاند ذبیح الله مجاهد دغه خبره اعلان کړې ده چی د دغې ډلې د سياسي چارو مرستيال د شهيد ډاکتر اسماعيل هنيه د جنازې په مراسمو کې د ګډون لپاره دوحې ته رسېدلى دى. د حماس د سیاسي دفتر مشر چې د ایران د نوي ولسمشر مسعود پزشکیان د لوړې په مراسمو کې د ګډون لپاره دغه هیواد ته تللی و، پرون سهار د یوه برید په پایله کې له خپل یوه ساتونکي سره شهید شو.