د معمار پرس د خبر له مخې؛ نن چهارشنبه د ایران د نوي ولسمشر د لوړې په مراسمو کې له ګډون وروسته د شهید مجاهد مشر اسماعیل هنیه په تهران کې په خپل استوګنځي کې د صهیونیسټانو د خیانت له امله شهید شو. سپوتنیک خبري آژانس د چین د بهرنیو چارو د وزارت له قوله ویلي: چین د اسماعیل هنیه وژنه په کلکه غندي. د چين د بهرنيو چارو وزارت وياند لين جيان په يوه بيانیه کې وويل: “موږ دې پېښې ته ډېره پاملرنه کوو او دا وژنه په کلکه غندو. موږ ژوره اندېښنه لرو چې دا پېښه به په سیمه کې د وضعیت د لا بې ثباتۍ لامل شي.”