د معمار پرس د خبر له مخې: په اسلام اباد کې د طالبانو د حکومت سفیر سردار احمد شکیب رسنیو ته ویلي دی چی د پاکستان په بنو سیمه کې وروستی برید په افغانستان پورې اړه نه لري او په دې اړه هر ډول ادعا بې اساسه ده. باید و ویل شي، چې د پاکستان د بهرنیو چارو وزارت ویاندې زهرا ممتاز بلوچ ویلي وو چی په افغانستان کې د تحریک طالبان پاکستان او نورو ترهګرو ډلو شتون د سیمې سولې او امنیت ته جدي ګواښ دی. په تېرو دوو کلونو کې اسلام اباد په وار وار کابل د پاکستاني طالبانو په ملاتړ تورن کړی او ادعا کوي چې د دغې ډلې جنګیالي په افغانستان کې خوندي پټنځایونه لري. هغه ادعا چې د طالبانو حکومت تل رد کړې ده.