د معمار پرس د خبر له مخې: د طالبانو د صدراعظم د دفتر سیاسي مرستیال مولوي عبدالکبیر د دې ډلې د لوړو زده کړو له وزیر ندا محمد ندیم او د هېواد د پوهنتونونو او علمي بنسټونو له رئیسانو سره په کتنه کې وویل چی اوسنی حکومت په هېواد کې د تعلیمي ادارو پیاوړتیا غواړي. مولوي عبدالکبیر زیاته کړه چې د طالبانو حکومت د افغانستان د آبادۍ او د تعلیمي ادارو د پیاوړتیا لپاره فعالیتونه پیل کړي دي. هغه دا هم وويل، چې هېواد مسلکي او کارپوه کارکوونکو ته اړتيا لري او دغه اړتياوې د هېواد پوهنتونونه پوره کولاى شي.