د معمار پرس د خبر له مخې؛ دا خبره د ملګرو ملتونو د سرمنشي ویاند سټیفن دوجاریک په یوه خبري غونډه کې وکړه چی د دوحې دریمه ناسته چې د ۲۵ هېوادونو او ۵ نړیوالو سازمانونو د ځانګړو استازو او همدارنګه د طالبانو د یوه پلاوي په شتون کې جوړه شوې وه، بین الافغاني ناسته نه وه. هغه د دوحې د غونډې په څنډه کې د افغانستان د مدني ټولنې له استازو سره په کتنه کې د ځينو هېوادونو د استازو د نه حاضرېدو په اړه د يوې پوښتنې په ځواب کې وويل: ملګري ملتونه نه دي توانیدلي چې هیوادونه په دې غونډه کې ګډون وکړي او که نه. هغه ټینګار وکړ چې د دوحې ناسته د بین الافغاني ناستې په توګه نه بلکې د هېوادونو او طالبانو ترمنځ د خبرو په موخه جوړه شوې وه. دوجاریک زیاته کړه، چې په دې ناسته کې هر یو ځانګړی استازی کولای شواي چی د بشري حقونو، د ښځو د حقونو او د نشه یي توکو پر مسلې خبرې وکړي.