د معمار پرس د خبر له مخې: د طالبانو د صنعت او سوداګرۍ وزارت په خبرپاڼه کې راغلي دي چې د دې ډلې دولتي او خصوصي سکتور پلاوى د صنعت او سوداګرۍ وزارت د سرپرست نورالدين عزيزي په مشرۍ د ازبکستان په پلازمېنه تاشکند کې د افغانستان د کورنيو توليداتو د نندارتون د پرانيستلو او د سوداګريزو اړيکو په کنفرانس کې د ګډون په موخه دغه هېواد ته سفر کړى دى. په خبرپاڼه کې راغلي، چې عزيزي به د دغه سفر په ترڅ کې د دغه هېواد له چارواکو سره د اوږدمهالو موخو د ترلاسه کولو په موخه د سوداګرۍ، پانګونې او د سيمه ييزو همکاريو د جلبولو په ګډون د اقتصادي اړيکو د پراختيا او پياوړتيا په اړه خبرې وکړي.