د ملګرو ملتونو ویاند سټیفن دوجاریک د شنبې په ورځ (د سرطان ۹) په یوه خبري غونډه کې د دغه سفر اعلان وکړ او ویې ویل چې ښاغلی ګوتریش به له ازبکستان وروسته قرغزستان، قزاقستان، تاجکستان او ترکمنستان ته هم سفر وکړي. ښاغلي دوجاریک وویل چې د دې سفر موخه د دغو هېوادونو له مشرانو او نورو لوړ پوړو دولتي چارواکو سره لیده کاته او همدارنګه د اقلیم د بدلون په اړه له پروژو لیدنه ده. د ملګرو ملتونو ویاند وايي، د شانګهای د همکارۍ سازمان سرمشریزې ته چې د جولای په څلورمه د قزاقستان په پلازمېنه استانه کې جوړېږي، د دغه سازمان سرمنشي هم بلل شوی دی.